Արձագանքելով Հայաստանի բնապահպանական կրթության, համայնքային ներգրավվածության և կլիմայական գործողությունների ոլորտներում վստահելի հարթակ դառնալու անհրաժեշտությանը՝ «Կարողությունների և համայնքային ներուժի զարգացման նախաձեռնությունը» նպատակ ունի ուժեղացնել Էվերգրինսի ներուժը։ Նախաձեռնությունը իրականացվում է «Մարդը կարիքի մեջ» ՀԿ-ի՝ «Դիմակայուն քաղաքացիական հասարակություն Արեւելյան գործընկերության տարածաշրջանում» ծրագրի շրջանակում, որը ֆինանսավորվում է Եվրոպական միության և Չեխիայի Հանրապետության Արտաքին գործերի նախարարության կողմից։

Ծրագիրը միաժամանակ անդրադառնում է երկու կարևոր թեմայի՝ հայալեզու բնապահպանական և կլիմայական ռեսուրսների սահմանափակ հասանելիությանը և տեղական նախաձեռնությունների համար կենտրոնացված գործիքների բացակայությանը։ Այս խնդիրներին արձագանքելու նպատակով ստեղծվել է Էվերգրինսի պաշտոնական կայքը, որը ներառում է երկու հիմնարար գործիք՝ առցանց գրադարան և ջատագովության (advocacy) հարթակ։ Գրադարանը կտրամադրի հայերեն հարմարեցված հարմարեցված և հասանելի նյութեր կլիմայի և շրջակա միջավայրի վերաբերյալ՝ ներառելով զեկույցներ, գործիքակազմեր և հրապարակումներ։ Առաջին հավաքածուն հասանելի կլինի 2025թ․ հունիսին՝ հնարավորություն ընձեռելով կրթության ոլորտում մասնագետներին, հետազոտողներին, քաղաքականություն մշակողներին և ՔՀԿ ներկայացուցիչներին օգտվելու հայալեզու նյութերից։ Բացի այդ, պաշտպանական հարթակը կծառայի որպես հանրային ներգրավման գործիք՝ աջակցելով քաղաքական երկխոսությանը, տեղական բնապահպանական խնդիրների բարձրաձայնմանը և համատեղ գործողությունների իրականացմանը։

Կարողությունների և թվային հասանելիության ամրապնդման միջոցով այս նախաձեռնությունը նպաստում է Էվերգրինսի կարողությանը՝ ավելի արդյունավետ ծառայելու Հայաստանի համայնքներին՝ կամրջելով գիտելիքի բացերը, հզորացնելով համայնքային ձայները և խթանելով տեղեկացված մասնակցությունը բնապահպանական որոշումների կայացման գործընթացներում։